Районыбыз авылларында референдум актив уза (ФОТОЛАР)

Без Шөгер авыл җирлегендә булып кайттык. Шөгердә референдум оештырганнар. Монда ике сайлау участогы эшли: 1842нче участок, анда 820 тавыш биркече, 1843нче участокта 794 тавыш бирке.

Шөгер мәдәният йортында музыка уйнап тора. Халык килә. Шушы авылда яшәүче Рима апа Мифтахова әйтүенчә, үзара салым кирәкле гамәл.

- Шушы программа буенча авылыбыз төзекләндерелә, юллар ясала. Үзебез шунда яшәгәч, авылны төзек итеп күрәсе килә. Бик теләп тавыш бирергә килдем. Референдумнарны калдырган юк, - ди ул.

Шөгер авыл җирлегендә үзара салым күләме 200 сум. Сайлау комиссиисе рәисе Ләйсән Рәкипова әйтүенчә, сайлау участоклары сәгать 7дә ачылган, кичке 20.00 сәгатьтә ябачаклар. Аннары бюллетеньнәрне санарга тотыначаклар. 

- Штат режимында эшлибез. Сәгать 9.00га халыкның 12 процентовты тавыш бирде, - ди.

Розалия Мостафина

Автор фотолары