Республика көне белән, лениногорскилылар!

Бүген - 30 август Татарстан Республикасы көне. Исәнлек, тыныч тормыш, бәхетле, шатлыклы көннәр сезгә!

"Бүгенге көндә Татарстанда кешеләргә яшәү һәм эшләү өчен тиешле шартлар тудырыла. Болар барысы да - татарстанлыларның горурлыгы, инвесторларны һәм туристларны җәлеп итүнең нигезе. Безне республикабызга, шәһәрме ул, авылмы - туып-үскән җиребезгә чиксез мәхәббәт, Ватаныбыз - бөек Россиягә тугрылык хисе берләштерә. Әлеге хисләр һәрвакытта да Татарстаныбызның матур киләчәгенә, якты өметләребезгә бәрәкәтле җирлек булды һәм булачак", диелә Татарстан Президенты Рөстәм Миңнеханов котлавында.