Башкортстанда бер ана үзенең дүрт яшьлек кызын үтерүдә гаепләнә
Башкортстанда дүрт яшьлек кызын үтерүә гаепләнгән хатын үз гаебен таныган. Баштарак ул җинаятьне үзе белән бергә яшәгән иргә сылтаган булган.
Әлеге котычкыч фаҗига Стәрлетамак шәһәрендә була, дип яза "Башинформ". Тикшерүчеләр мәгълүматынча, 30 яшьлек ана кызының елавына, көйсезләвенә түзә алмыйча, аны кыйнап ташлый. Нәтиҗәдә сабый җан бирә. Җинаять җаваплылыгыннан качу өчен хатын кызны үтерүдә үзе белән бергә яшәүче ирне гаепләп маташкан. Әмма тикшерү барышында ана үз гаебен таный. +
Әлеге вакытта тикшерүчеләр җинаятьнең бөтен шартларын ачыклый. Хатынга гаепләү карары чыгарылган, ул кулга алынган.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев