Бер ир 9 каттан сикерергә җыенган

Бу хәл Казанда Ямашев проспектындагы бер йортта була.

Ир тугызынчы каттагы балкон кырыена чыгып баса. Үтеп баручылар һәм хокук сакчылары аны кире төшәргә бик озак үгетлиләр. Чайкалып торган ир баштан дусларын, аннан әнисен чакырырга куша.

Әнисе килгәч ир сикерергә дип менеп баскан урыныннан төшә. Тик вакыйга моның белән бетми әле. Ир муенына пычак терәп подъезддан чыга һәм полиция бүлегенә барырга ризалаша, тик үз машинасында гына. Ак иномаркасына утыра һәм бар тизлеккә ишегалдыннан чыгып оча, шунда бер хатынны бәрдерә яза.

43 яшьлек әлеге ир наркотиклар тәэсирендә булган һәм наркологта исәптә торган, дип хәбәр итә «Эфир-24».

http://sntat.ru/