“Татфондбанк”тан зыян күрүчеләргә акчаларны кайтару көне билгеле булды

"Татфондбанк" белән бәйле вәзгыятьтән соң, вакытлыча администрация клиентларның банкларга карата таләпләрен ачыклау өчен аларны кредиторларның таләпләре реестрына исәпкә куйган иде. Бу процесс төгәлләнде.

Банклар ябылу сәбәпле, зыян күрүчеләргә 29 сентябрьдән акчаларын кайтара башлаячаклар. Дөрес, барысын да түгел. Кредиторларның таләпләре үтәлеше суд ярдәмендә хәл ителә. Таләп ителгән сумманың 15,14 проценты күләмендә акча түләү каралган. Акчалар беренче чиратта зыян күрүчеләргә биреләчәк. Бу - 70, 9 миллиард сум акча, 11657 кредитор дигән сүз. Акчалар 2018 елның 28 февраленә кадәр кайтарылачак.

http://shahrikazan.com/