Үзәк китапханәдә Рәшит Шиһапка багышланган кичә узды (фотолар)

31 гыйнвар көнне Г. Тукай исемендәге Үзәк китапханәдә шагыйрь Рәшит Шиһапның тууына 80 ел тулуга багышланган "Җырларымнан мине эзләгез..." дип аталган искә алу кичәсе узды.

Кичәдә шагыйрьнең шигырьләре укылды, Рәшит Шиһап иҗаты турында Альберт Хәсәнов, Җәмит Рәхимов, Әхмәт Рәшит, Галимҗан Гыйльманов фикерләре җиткерелде. Шулай ук якташ шагыйрь сүзләренә язылган җырлар яңгырады. Очрашуда шигърият һәм сәнгать сөюче шәхесләр катнашты. Бу чарага шагыйрьнең иҗатына багышланган китап күргәзмәсе һәм электрон презентация әзерләнгән иде.

фото: "Үзәк китапханә"