Бавырны яшьтән саклагыз!
Бавыр авыртмый, чөнки анда моны сизә торган рецепторлар юк. Шуңа да бавыр чиренең соң чиккәчә азуын белми, алтынга тиң дәвалану вакытын кулдан ычкындыручылар да аз түгел.
Шулай да бавыр чирләрен кайбер билгеләр буенча үзең дә белеп була. Бу орган зыян күргәндә, сару кайный, косасы килә, тел, тире саргая һәм башка билгеләр күзәтелергә мөмкин. Тик шунысы да бар: күп вакыт авыру билгеләре сизелә башлаганда соң була. Бавырны яшьтән сакларга кирәк. Моның өчен көнгә кимендә 2 литр сыеклык эчегез. Бу — чиста су, сут, минераль су булырга мөмкин.
Чамасын белеп, аз-азлап, гел бер вакытта ашагыз.
Көн саен ботка әзерләгез. Солы, карабодай, тарыда бавыр өчен файдалы лецитин һәм углеводлар күп.
Майлы итне мөмкин кадәр чикләгез. Тавык, куян, сыер итенә өстенлек бирегез. Ысланган ризык, колбасалар белән мавыкмагыз. Ризыкны парда пешерегез.
Алкоголь — бавырның төп дошманы икәнлеген онытмагыз!
Иртән һәм кич ярты сәгатьлек күнегүләр бавыр эшчәнлеген яхшырта. Аз хәрәкәтләнү бавырга зур зыян сала.
Гигиена таләпләрен үтәгез. Пычрак кул күп чирләр, шул исәптән А гепатитына китерә ала.
Автор: Миләүшә Латыйпова
https://kiziltan.rbsmi.ru/articles/zdorovie/Bavirni-yasht-n-saklagiz-138820/
Фото: pixabay.com
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев