Заман сулышы

Лениногорск шәһәре

18+
2024 - Гаилә елы
СӘЛАМӘТЛЕК

Яман шеш булмасын дисәң... кишер аша

Кишернең күз күременә уңай йогынты ясавын ишеткәнегез бардыр инде. Ул бета-каротинга бай. Әлеге матдә бавырда А витаминына әйләнә. Витамин исә, үз чиратында, күздә родопсиннарга һәм күрү пигментларына әверелә. Шуңа бәйле рәвештә, без төнлә яхшы күрәбез.

Бета-каротин катарактадан да саклавы мәгълүм. Тикшеренүләр күрсәткәнчә, кишерне даими ашаучылар арасында күздә сары тап 40 процентка азрак очрый икән.

Кишернең тагын бер үзенчәлеге – ул яман шешкә каршы көрәшә. Аерым алганда, кишер үпкә, күкрәк һәм калын эчәктә рак авыруын профилактикалау чарасы санала. Галимнәр моны бу яшелчәдә булган фалкаринол һәм фалкариниол матдәләре белән бәйли. 

Фалкаринол – кишернең тамырларына гөмбәчекләр зыян килмәсен өчен бүленеп сыга торган табигый пестицид. Кишер, составында мондый матдә булган бердәнбер яшелчә дияргә була. (Галимнәр ачыклавынча, кишер ашаган тычканнарда рак барлыкка килү куркынычы 1/3 тапкырга азрак булган).
Кишер картаюга каршы көрәшә. Әлеге дә баягы бета-каротин антиоксидант буларак эшли һәм күзәнәкләр таркалуына каршы көрәшә.

Тирегез сәламәт булсын дисәгез, шулай ук кишер ашагыз. А витамины, антиоксидантлар ультрашәмәхә нурлар тәэсиреннән саклый. Ә А витамины җитмәгәндә тән тиресе, тырнаклар һәм чәчләр коры була. А витамины җыерчыклар вакытында алда чыкмасын өчен, пигмент тапларга каршы көрәшә торган матдә дә.
Кишер табигый антисептик. Ул инфекция таралуны туктатырга сәләтле. Моның өчен кишерне пешереп яисә чи килеш киселгән урынга куялар.
Чи кишерне угычтан чыгарып, бал, зәйтүн мае һәм лимон белән бутап, биткә яшәртә торган битлек тә ясыйлар.

Кишер составында каротиноид матдәсе йөрәк авыруларын киметә. Канда холестиринны азайтырга теләүчеләргә дә кишер ашарга киңәш ителә.
Бавырны токсиннардан чистартырга кирәк булганда дакишер ашагыз. Ул бавырны үттән һәм майдан да чистарта.
Каты яшелчә булганлыктан, кишер ашау тешләрне ныгыта. Өстәвенә ул тешләрне агарта да.

Гарвард университеты галимнәре ачыклавынча, атнага 6 тапкыр кишер ашаучылар, айга бер кишер ашаучыларга караганда, инсультны сирәгрәк кичерә икән. Димәк, кишер инсултьтан да саклый дигән сүз.

"Шәһри Казан" сайтыннан

Фото: Лениногорск-информ

 

Следите за самым важным и интересным в Telegram-каналеТатмедиа

Безнең Лениногорск яңалыклары Телеграм-каналга кушылыгыз. 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X