Лениногорск пенсионерлары шахмат һәм шашка уйнауда ярышты (ФОТОЛАР)

Шәһәребезнең 2нче санлы спорт мәктәбендә "Өлкән буын" VIII Спартакиада кысаларында шахмат-шашка буенча ярышлар узды.

Анда 60 яшьтән узган ир-атлар һәм 55 яшьтәге һәм өлкәнрәк хатын-кызлар шашка-шахмат осталыгында үзләрен сынады.

Нәтиҗәдә, ир-атлар арасыннан шашка буенча 1-2-3 урыннарны Инфат Хәйруллин, Рөстәм Шәрифуллин һәм Әсгать Саттаров алды.

Шахмат ярышларында Виктор Токаревка тиңнәр булмады. Икенче урында - Рөстәм Шәрифуллин һәм өченчесендә - Рудольф Рау.

Хатын-кызлар арасында узган шашка ярышында беренче урынны Антонина Арсланова алды. Икенче Разифа Гыймадиева булды, өченче урында- Римма Ногманова.

Шахмат ярышларында иң оста уйнаучы булып быел да Ольга Вахтерова танылды. Икенче урында- Римма Ногманова, өченче урында - Разифа Гыймадиева.

Беренче урыннарны яулаган шахматчылар Әлмәт шәһәрендә узачак зональ ярышларында да катнашачак.

текст һәм фото: Зилә Мөдәррисова