2021 елга Россия субъектларында коммуналь хезмәтләр өчен түләүнең күләмен үзгәртү индекслары расланды.
ТР Тарифлар буенча дәүләт комитеты матбугат хезмәте хәбәр иткәнчә, әлеге индекслар РФ Хөкүмәтенең 2020 елның 30 октябрендәге 2827-р номерлы күрсәтмәсе билгеләнгән.
Документ нигезендә, киләсе елның беренче яртыеллыгында Россия төбәкләрендә гражданнарның коммуналь хезмәтләр өчен түләүләрен арттыру көтелми. Ә икенче яртыеллыкта исә коммуналь түләүләр күләме үзгәрәчәк, әмма билгеләнгән дәрәҗәдән югарырак булмаячак.
Мәсәлән, Татарстанда 2021 елның 1 июленнән коммуналь хезмәтләр өчен гражданнар тарафыннан түләүләр күләмен үзгәртүнең уртача индексы 4,4 процент тәшкил итәчәк.
Нет комментариев