Алимент буенча бурычы булган гражданнар армиягә барудан кичектерелмәячәк

Россия Хөкүмәте алимент буенча бурычлары булган гражданнарны хәрби хезмәткә чакырудан кичектереп торуны гамәлдән чыгарырга ризалык бирде. Бу хакта «Интерфакс» агентлыгы хәбәр итә.

Документ нигезендә ике яки аннан күбрәк баласы һәм көмәнле хатыны (срогы 26 атнадан артып китсә) булган, алимент түләүдән качып йөрүче гражданнар хәрби хезмәткә чакыруны кичектереп тору хокукыннан мәхрүм ителә.

Әлеге гражданнар турында Хәрби комиссариатларга Федераль суд приставлары хезмәте һәм аның территориаль органнары мәгълүмат биреп торачак, диелә закон проектында.

Закон проектын Дәүләт Думасының Оборона мәсьәләләре комитеты рәисенең беренче урынбасары Андрей Красов әзерләгән.

Бу хакта тулырак: https://tatar-inform.tatar/news/2018/10/09/173107/

фото:pixabay.com