Балыкчы су кармагына эләккән

Көзнең беренче ае ахырына якынлашып килүгә карамастан, бу көннәр кояшлы һәм матур булды.

Бу мизгелләрдән ләззәт алу теләге белән Чаллыда яшәүче балык тотарга барырга булган.

Табигать кочагында җылы кояш нурлары астында йокы белән көрәшеп көймәдә утырган балыкчы бераздан бирешкән. Йокы барыбер үзенекен алган.

Берничә минуттан ул җылылыгы 14-15 градус булган суга егылып төшә. Аның бәхетенә бу хәлне суның икенче ярында ял итүче кешеләр күреп алган һәм коткаручыларны чакырган.

Нәтиҗәдә, балыкчыны ярга өстерәп чыгарганнар һәм беренче ярдәм күрсәткәннәр.

http://www.almet-rt.ru