БАШКОРТСТАНДА БЕР ИР-АТ ХАКИМИЯТ БИНАСЫ КАРШЫНДА ҮЗ-ҮЗЕНӘ УТ ТӨРТКӘН

Бу хәл Башкортстанның Ишимбай шәһәрендә булган. proufu.ru сайты хәбәр иткәнчә, ир-ат шәһәр администрациясе бинасы каршында үз-үзенә бензин сибеп, ут төрткән.

Бензин сибәр алдыннан, ул кислота эчкән һәм үзенә пычак кадаган.

Бу гамәлне ник кылганы әлегә ачыклана. "Комсомольская правда" газетасы сайты язганча, ир-ат, куркыныч гамәлен кылу алдыннан, "Протест белдерәм, коррупция!" - дип кычкырган.

Ир-атны ашыгыч ярдәм машинасы алып киткән, ул исән, дип хәбәр итә басма.

Фото: социаль челтәр

http://intertat.tatar/hewef_heter/bashkortstanda-ber-ir-at-khakimiyat-binasy-karshynda-z-zen-ut-t-rtk-n/