ЯҢАЛЫКЛАР
Бер атаклы җырчы Кемерово фаҗигасендә зыян күрүчеләргә 15 млн биргән
Россия җырчысы Эмин Агаларов һәм аның дуслары Кемеровода зыян күрүчеләргә ярдәм йөзеннән 15 млн акча биргән. Бу хакта Агаларов социаль челтәрдәге Instagram битендә хәбәр иткән. Ул "Зимняя вишня" сәүдә-күңел ачу үзәгендә булган хәл беркемне дә битараф калдыра алмый, дип билгеләп үткән. "Үземнең биш шәһәрдәге чыгышымның шәхси гонорарын Мөслим Магомаев фондына...
Россия җырчысы Эмин Агаларов һәм аның дуслары Кемеровода зыян күрүчеләргә ярдәм йөзеннән 15 млн акча биргән. Бу хакта Агаларов социаль челтәрдәге Instagram битендә хәбәр иткән.
Ул "Зимняя вишня" сәүдә-күңел ачу үзәгендә булган хәл беркемне дә битараф калдыра алмый, дип билгеләп үткән.
"Үземнең биш шәһәрдәге чыгышымның шәхси гонорарын Мөслим Магомаев фондына юллыйм, ул аны Кызыл Хачның Кемерово бүлегенә зыян күргән гаиләләргә шәхси ярдәм программаларына җибәрә", - дип язган җырчы.
Аның игелекле гамәленә дуслары да кушылган - шулай итеп 15 млн акча җыелган, дип яза Татар-информ. Әлеге акча ярдәм кирәк булучыларга тотылачак.
Агаларов иҗатын яратучылар аның бу гамәлен хуплап, рәхмәт белдергән. "Сезгә карап, хөрмәт, намус, бурыч төшенчәләренең буш сүзләр түгеллеген аңлыйсың. Булдыргансың. Синең алда баш иябез. Үзегезгә дә сәламәтлек телибез", - диелгән рәхмәт сүзләрендә.+
Бүген, 28 мартта, ил күләмендә матәм чаралары булу сәбәпле, Эмин Агаларовның Төмәндә булачак концерты кичектерелгән. Татарстанда да шулай ук бүген күңел ачу чаралары булмаячак.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев