Бер хатын-кыз Россиядән Израильгә 8 млн сумлык алмаз алып чыкмакчы булган

Хокук тәртибен саклаучылар «Домодедово» аэропортында Россия кешесен 8 млн сумлык алмазны Израильгә алып чыгып барганда тоткарлаган, дип хәбәр итә «RT на русском».

Мәскәү - Тель-Авив рейсының 54 яшьлек пассажиры «Домодедово» аэропортында тоткарланган.

Экспертиза затлы ташларның 437 карат массадагы табигый алмаз булуын ачыклаган.

Бу факт буенча "Затлы металлар, табигый затлы ташлар яки энҗенең законсыз әйләнеше" һәм "Стратегик мөһим товарлар һәм ресурслар яки мәдәни мираслар контрабандасы" маддәләре буенча җинаять эше кузгатылган.

http://tatar-inform.tatar/news/2018/01/28/156909/