Бәрәңге дучмагы пешерәбез

Дучмакны ачы яки төче камырдан, эченә бәрәңге боламыгы, эремчек, сөт белән туглаган йомырка салып пешерәләр.

Бәрәңге дучмагы

1 дучмакка: 100 г камыр, 150-170 г әзер бәрәңге боламыгы, 1/4 йомырка, 15 г май.

Дучмак тышын, йомырка дучмагына әзерләгән кебек үк, мичтә пешереп алалар. Бәрәңгене пешереп төяләр, сөт һәм йомырка салалар.

Мичтә катырып алган камырны майлы калайга (яки табага) тезеп, юка гына итеп бәрәңге боламыгы салалар да, өстенә йомырка сарысы сөртеп, мичкә куялар. Пешкән дучмакны, сары май белән майлап, табынга бирәләр.

http://tatar-today.ru/2016/07/8473/