Футбол буенча дөнья чемпионатының мәдәни программасы: Татарстан Милли музее
филиалларында барлыгы 21 мәдәни чара булачак. Футбол буенча дөнья чемпионатының мәдәни программасы: В.Качалов исемендәге театр Казан футбол буенча дөнья чемпионатының 6 матчын кабул итәчәк Казанда җанатар паспортын Бауман урамындагы FAN ID үзәгендә алып була Казанда футбол җанатарларына паспорт бирә торган ике үзәк апрельдә ачыла (Казан, 9 июнь, “Татар-информ”). Казанда 2018 елның Футбол буенча дөнья чемпионаты матчлары вакытында Татарстан Милли музее һәм аның филиаллары мәдәни программа тәкъдим итә.
14 июньнән 8 июльгә кадәр Татарстан Милли музеенда республиканың спорт өлкәсендәге казанышларын чагылдырган “Татарстан – спорт республикасы” күргәзмәсе үтәчәк. Биредә танылган спортчылар белән очрашулар да булачак.
15 июньдә (11.00-17.00 сәгатьләрдә) – “Исәнме, Татарстан!” бәйрәме. Бу көнне музейда кунакларны Татарстан һәм Казан белән таныштырачаклар, татарларның татлы ризыклары белән сыйлаячаклар.
20 июньдә (12.00-16.00 сәгатьләрдә) – “Халыклар дуслыгы әйлән-бәйләне” бәйрәме. Кунакларны Татарстан халыклары традицияләре, милли уеннар, кул эшләре белән таныштырачаклар.
25 июньдә (16.00-24.00 сәгатьләрдә) – “Музейда футбол төне” акциясе. Бу кичтә музейга килгән кешеләрне төнгә кадәр күңелле мәдәни программа көтә.
27 июньдә (11.00-17.00 сәгатьләрдә) – “Татар бишле ярышы” эстафетасы программасы. Музей үзенең кунаклары өчен Сабан туе уеннарын оештыра.
30 июньдә (11.00-17.00 сәгатьләрдә) – “Милли ярышлар” бәйрәме. Футбол сөючеләр көн дәвамында музейда татар халкының милли уеннарында көч сынаша ала.
5 июльдә (12.00-18.00 сәгатьләрдә) – “Дуслык хөрмәтенә, туганлык хөрмәтенә” дигән баттл. Милли музей хезмәткәрләреннән һәм Татарстанның футбол сөючеләре арасында волейбол уены булачак.
https://tatar-inform.tatar/news/2018/06/09/165624/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев