Лениногорск ЗАГСында яңа өйләнешүче парларны коймак белән сыйлаганнар

Май чабу бәйрәме - кышны озатып язны каршы алу.

Бу бәйрәм иң күңелле, туклыклы һәм берничә көн дәвамына сузылган халык бәйрәме. Бу көннәргә язылышу датасын билгеләү үзенә бер истәлекле.

Лениногорск ЗАГС бүлегендә бу бәйрәм атнасында барлыгы 7 пар үзенең никахын рәсми рәвештә теркәде. Ә инде бүлек белгечләре язылышу тантанасын үзенчәлекле итеп үткәрергә тырыштылар: әлбәттә, беренче эш итеп, бу -яшьләрне коймак белән сыйлап аларга бәхетле озын тормыш теләү булды. Бәйрәм атнасында язылышкан барлык парларга да исәнлек-саулык, тыныч һәм тигез тормыш телибез!

Лениногорск ЗАГС бүлеге