Лениногорскида чыршы саталар

Шәһәрдә халыкка чыршылар сату урыннарын билгеләү буенча район башлыгы Рәгать Хөсәеновның боерыгы бар. Сату урыннары:

“Юбилейный” паркы;

Мурзин урамы- “Старый город” кибете янында;
Шашин урамы- спорт мәктәбе каршындагы мәйданчык;
Лермонтов-Кошевой урамы - мини-рынок;
Чайковский урамы, 6нчы йорт мәйданчыгы;

Чайковский- Промышленная урамы мәйданчыгы;
“Ихлас” мәчете каршындагы автотукталыш;

Ленинград урамы, 25 йорт- “Пятерочка+” кибете янында;

Володарский урамы, 11 нче йорт- тимер юл станциясе;
Гагарин урамы-базар артында
Шашин урамы, 40 нчы йорт ( “Старый гастроном”) мәйданчыгы.

Быел Яңа елга сату өчен Татарстанда 11 меңнән артык эре төрле чыршы үстерелгән. Бу хакта республика Урман хуҗалыгы министрлыгы сайты хәбәр итә.
Татарстанда ел саен «Чыршы» оператив-профилактик чарасы уздырыла. Быел ул 20 декабрьдә старт алып, елның соңгы көнендә тәмамланачак.
Операция кысаларында, урман биләмәләрендә патрульлек итү оештырылачак. Сүз уңаеннан, агачны законсыз кискән өчен гражданнар 3 мең сумнан алып 4 мең сумга кадәр штрафка тартылачак. Вазыйфаи затларга - 20 дән 40 мең сумга кадәр, юридик затларга 200 меңнән 300 мең сумга кадәр штраф гамәлдә булачак. Шулай ук хокук бозучы китерелгән зыянны да капларга тиеш була.

Розалия Мостафина фотосы