Лениногорскилылар “Тарихны кешеләр ясый” фотоконкурсында катнаша ала

Конкурска 10 июльдән 15 августка кадәр төсле һәм аклы-каралы фотоэшләр кабул ителә. Темалары: “Татариядә “кара алтын” табылу тарихы һәм беренче нефтьчеләр”, “Республика нефтьчеләренең көнкүреше, кызыксынулары, традицияләре”, “Ромашкин ятмалары бүген”, “Республикада нефть табу бүген” һәм башкалар. 
Конкурста катнашучыларга фотоэшләрне presscenter@tatneft.ru электрон адресына җибәрергә кирәк. Заявка тутырырга онытмагыз, анда катнашучының исем-фамилиясе, эш урыны, телефоны, электрон адресы, конкурс эше турында кыскача язма ( кадрның кыскача эчтәлеге, геройларның исемнәре) кирәк. 
Конкурс эшен JPG форматында җибәрергә кирәк: фотографиянең зурлыгы озынлыкка 1600 пиксельдән ким, 3 Мб – тан күп түгел.Электрон хатның темасын 
“Тарихны кешеләр ясый” (“Историю вершат люди») дип куегыз. 
Конкурс эшенең оригиналын  A3 форматыннан ким булмаган зурлыкта итеп түбәндәге адрес буенча җибәрегез: Әлмәт шәһәре, Заслонов урамы, 20нче йорт, 402нче кабинет.
Конкурс турында тулырак мәгълүматны “Татнефть” Компаниясе сайтында “Социальная политика” бүлегеннән таба аласыз: https://vk.com/konkurstatneft
Белешмә өчен телефоннар : +7 987 414 7421, +7(8553) 373 045.
Реклама