Пенсиягә чыкканда пенсия таныклыгы бирмиләр дип ишеттем, шул дөресме, дип мөрәҗәгать итүчеләр бар пенсия фонды идарәсенә.
Сорауга клиентлар белән эшләү хезмәте җитәкчесе Ильмира Садриева җавап бирә:
- Монда борчылырлык урын юк. 2015 елның 1 гыйнварыннан пенсионер статусын раслый торган справка ( белешмә) гамәлгә керде. Пенсия таныклыгы урынына шул белешмә бирелә.
Әлеге белешмәне пенсионер, таныклык шикелле, транспортта йөргәндә, даруханәләрдә, соиал хезмәт күрсәтү өлкәләрендә күрсәтә ала.
Игътибар итегез: әгәр элек бирелгән таныклыгыгызны югалткансыз икән, аның урынына белешмә биреләчәк.
Нет комментариев