Путин җәяүлеләрне үткәрмәү өчен штраф күләмен арттырды

Россия президенты Владимир Путин җәяүлене үткәрмәү өчен автомобилистларга салынган штраф күләмен 2,5 мең сумга кадәр җиткерү турындагы канунны имзалады. Документ 30 октябрь көнне хокукый мәгълүмат рәсми порталында урнаштырылган, дип яза "Известия".

Канун КоАПка төзәтмәләр кертә. Алар нигезендә "җәяүлеләргә, велосипедчыларга һәм башка юл хәрәкәте катнашучыларына юл бирү буенча кагыйдәләрне үтәмәү" өчен штраф күләме 1,5 мең сумнан алып, 2,5 мең сумга кадәр билгеләнә. Моңа кадәр штраф күләме 1,5 мең сум тәшкил иткән һәм шуннан да артыграк күләмдә була алмаган.

Закон Дәүләт Думасы тарафыннан 2017 елның 11 октябрендә кабулителеп, Федерация Советы тарафыннан 25 октябрmдә хупланган.

Ел башыннан Россиядә җәяүлеләрне таптату белән бәйле 28 меңнән артык юл һәлакәте булган. Аларның 16,8 меңе машина йөртүчеләр, 11,6 меңе җәяүлеләр гаебе белән килеп чыккан.

http://tatar-inform.tatar

фото: https://go.mail.ru/search_images?fr=chvbm7.1.30&gp=812210&q=%D0%BF%D0%B5%D1%88%D0%B5%D1%85%D0%BE%D0%B4%D1%8B%20%D0%BD%D0%B0%20%D0%BF%D0%B5%D1%80%D0%B5%D1%85%D0%BE%D0%B4%D0%B5%20%D1%84%D0%BE%D1%82%D0%BE&frm=web#urlhash=237150517394077261