ЯҢАЛЫКЛАР
Таһир Шәмсуаров "Керкәле чәйханәсе"
Арган юлчы монда кереп, Тамак ялгый янәсе. Ничә ел кешесез яши Керкәле чәйханәсе. Кайчандыр ачык иде ул, Теләп керәләр иде. Өчпочмак, гөбәдияләре Сихәт бирәләр иде. Ул сыенган тауның битен Сарган сагышлы томан. Юл читендә басып тора Ялгыз мосафир сыман. Тормыш шәмен сүндерергә Нинди сәбәп табылган?! Шакымагыз, ишекләре Ачылмаска ябылган. Геркулес...
Арган юлчы монда кереп,
Тамак ялгый янәсе.
Ничә ел кешесез яши
Керкәле чәйханәсе.
Кайчандыр ачык иде ул,
Теләп керәләр иде.
Өчпочмак, гөбәдияләре
Сихәт бирәләр иде.
Ул сыенган тауның битен
Сарган сагышлы томан.
Юл читендә басып тора
Ялгыз мосафир сыман.
Тормыш шәмен сүндерергә
Нинди сәбәп табылган?!
Шакымагыз, ишекләре
Ачылмаска ябылган.
Геркулес булсам әгәр дә,
Мин болай итер идем
Ватмый-җимермичә генә
Шөгергә илтәр идем.
Арган-талган юлчы халкы
Тамак ялгый янәсе.
Кайнар чәй кирәк, өшидер
Керкәле чәйханәсе!..
Таһир Шәмсуаров
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев