Татарстанда бер эшче тереләй җир астында күмелеп калып үлгән

Балтач районында торак-коммуналь хуҗалык хезмәткәре өстенә җир ишелеп, шунда ук аның гомере өзелгән. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Фаҗига Карелино авылында ягулык-газ станциясе янында булган, дип яза "Татар-информ".

Җир асты эшләре алып барган вакытта эшче өстенә җир ишелеп төшкән. Шуның аркасында, 57 яшьлек ир-ат җир астында калган. Эшчеләр иптәшләрен үзләре казып алган. Урынга килгән ашыгыч ярдәм хезмәткәрләренә аның үлемен расларга гына калган.

http://matbugat.ru/