Татарстанга атлантик циклон якынлашу сәбәпле, юлларда сак һәм игътибарлы булу киңәш ителә

Татарстанның Гидрометеорология һәм әйләнә-тирә мохитне күзәтү идарәсе төбәккә төньяк атлантик циклон якынлашу сәбәпле һава торышы бозылу турында кисәтү таратты.

14 февральдә кичен, метеорологлар фаразлавынча, Татарстан территориясендә аязучан болытлы һава, күпчелек районнарда төнлә һәм иртән бераз буранлап алу ихтималы бар. Төнлә һәм иртән көньяк-көнбатыштан һәм көньяктан уртача җил, һава температурасы төнлә 8дән 13 градуска кадәр салкын, көнчыгыш районнарда 16 градус салкын фаразлана. Көндез һава температурасы 5тән 10 градуска кадәр салкын булачак.

15 февральдә аязучан болытлы һава, күпчелек районнарда бераз кар һәм урыны белән җиңелчә буран көтелә. Җил төньяктан исә башлый, һава температурасы 8дән 13 градуска, көнчыгыш районнарда 17 градуска чаклы салкын булыр дип фаразлана. Көндез 6дан 11 градуска кадәр түбән төшәчәк. Юлларда бозлавык саклана.

http://www.shahrikazan.com/