Товарлар һәм хезмәт күрсәтү сыйфаты һәм куркынычсызлыгы буенча кайнар линия эшли башлый

Бөтендөнья сыйфат көне кысаларында Татарстан буенча Кулланучылар хокуклары һәм кеше иминлеген яклау өлкәсендә күзәтчелек идарәсе 7 ноябрьдән 10 ноябрьгә кадәр товарлар һәм хезмәт күрсәтү сыйфаты һәм
куркынычсызлыгы буенча кайнар линия оештырачак. Бу хакта Казан мэриясе матбугат хезмәте хәбәр итә.

Шалтыратулар 10.00 сәгатьтән 16.00 сәгатькә кадәр, 12.00 сәгатьтән 12.45 сәгатькә кадәр төшке ашка бүленеп, кабул ителәчәк.

Мөрәҗәгатьләр 8 (917) 224-87-94 кайнар линия телефоны аша кабул ителәчәк. Моннан кала, (843) 221-90-16 телефоны аша "Татарстан Республикасында гигиена һәм эпидемиология үзәге" федераль бюджет сәламәтлек саклау учреждениесенең консультация үзәгенә дә шалтыратырга була.

http://tatar-inform.tatar