Тавык белән мексиканча тортилья рецепты

Тортилья - ул төче камырга ясалып, коры табада пешерелә торган мексикан икмәге, лепешка, безнеңчә - күзикмәк. Аның әзерен кибеттән дә сатып алырга була.

Тортильяның бер ягына майонез сылагыз, өстенә уылган сыр сибегез. Эчлек өчен туралган тавык ите кисәкләре, кызыл суган, киселгән помидор салына. Теләгән очракта яшел үләннәр, салат яфраклары салырга була. Ахырдан тагын уылган сыр сибеп, тортильяны урталай бөкләгез һәм ике ягыннан майлы табада кыздырып алыгыз.

Тәмле булсын!

http://atnya-rt.ru/news/tmle-bulsyn/tavyk-beln-meksikancha-tortilya-retsepty