Тавык һәм гөмбә белән тутырылган борыч әзерлибез
Җәй аенда нинди генә яшелчәләр үсми бакчада. Помидор, кызыл борыч, баклажан һәм башкалар. Кызыл борыч белән тәмле әйберләр ясап та, пешереп тә була. Шуларның берсе - тавык һәм гөмбә белән тутырылган борыч.
Әзерләү өчен кирәк булачак:
7 баллы борыч, 1 тавык түше, 300 гр шампиньон, 150 гр сыр, 1 баш суган, 10 зәйтүн җимеше, яшел тәмләткечләр, тоз, борыч, үсемлек мае кирәк.
Эш барышы: Тавык түшен саламлап турыйбыз да үсемлек маенда кыздырабыз. Борычны юып, икегә бүләбез, төшләреннән чистартабыз. Шампиньон, суган һәм зәйтүн җимешен ваклап турап кыздырабыз. Сырны эре угычта уабыз. Бөтен ингредиентларны кушып, тоз-борыч сибәбез. Эчлекне борыч эченә тутырып, майлы табага тезәбез. 200 градуслы газ мичендә 40 минут пешерәбез.
Фото: Рамия Гарифуллина
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев