Зөлфирә Шәйдуллина-Мирзаяновадан «лечо» рецепты
Бакчаларда яшелчәләр өлгерде. Банкаларга салат ясаучылар төрле рецептлар белән бүлешә башлады. Җырчы Зөлфирә Шәйдуллина-Мирзаяновадан «лечо» рецептын тәкъдим итәбез.
Ингредиентлар: 7-8 суганны турап, 1 стакан үсемлек маенда 10 минут кыздырырга, 3,5 кг помидор (турарга), 1/3 стакан аш серкәсе, 4 аш кашыгы тоз, 2 стакан шикәр комы салырга һәм 15 минут кайнатырга. 3 кг баллы борыч салып, янә 15 минут утта тотарга.
Соңыннан 4 тырнак сарымсак, петрушка, яшел укроп (бик вак итеп турарга) салып тагын 3 минут кайнатырга.
«Стерильләштерелгән банкаларга салырга. Бу ингредиентлардан 12-13 ярты литрлы банка чыга. Төрле төстә, матур салат килеп чыга. Яңа пешкән бәрәңге белән бигрәк тәмле булачак!», – дип язган җырчы социаль челтәрдә.
https://intertat.tatar/news/zolfira-saidullinadan-leco-recepty-5854332
https://vk.com/almazulfira фотосы
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев