Иртәгә, 23 ноябрьдә, Татарстан юлларында бозлавык, урыны белән кар көртләре көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Бүген республикада кар ява, төнлә һәм иртән ул көчәячәк. Кайбер районнарда буран көтелә.
Төнлә һава температурасы - 6 градустан -11 градуска кадәр, көндез - 4 градустан – 9 градуска кадәр төшәчәк.
ЮХИДИ хезмәткәрләре машина йөртүчеләрне юлларда сак булырга чакыра.
Бу хакта тулырак: https://tatar-inform.tatar/news/2018/11/22/175717/
Нет комментариев