Татарстанда яңа уңышның өченче миллион тоннасы җыеп алынган.
Бөртекле һәм кузаклы культуралар 799,7 мең гектардан җыелган, бу әлеге культураларның урып-җыю мәйданының 53 процентын тәшкил итә.
Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.
Урып-җыю кампаниясенең экваторын республиканың 31 районы узып китте. Мәсәлән, Азнакай районында бөртеклеләрнең — 60%, Буа районында — 59%, Тәтеш районында — 57%, Спас районында — 56%, Чистай районында 55% ы җыеп алынган.
Иң югары уңыш Зәй районында, гектарыннан 59 центнер тәшкил итә.
Нет комментариев