Татарстанның сөт терлекчелеге: цифрлы технологияләр кертүнең нәтиҗәлелеге сизелде

2,5 айда көтү белән идарә итү программасын 30 хуҗалыкта урнаштырдылар, бу планнан 71% тәшкил итә. Шулай ук 20 хуҗалык - бу 48 % - азык белән идарә итү программасы аша азык саклаучылар эшен оештырды.

Әлеге цифрлы технологияләр кертүнең тәэсире шактый сизелерлек булып чыкты. Бу хакта Татарстан Республикасы авыл хуҗалыгы һәм азык-төлек министры урынбасары Ленар Гарипов киңәшмә барышында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә районнар белән киңәшмә барышында хәбәр итте.

Мәсәлән, Арча муниципаль районының «Северный» җәмгыятендә алдынгы технологияләрне куллану сөт җитештерү күләмнәрен тәүлеккә 2,5 тоннага яисә 18 %ка арттырырга, сыерларның продуктивлыгын 3 килограммга арттырырга, сыерларның хезмәт күрсәтүләрен 8 көнгә киметергә, сыерларның буазлыгын 5 %ка арттырырга мөмкинлек бирде. Бу сөт сатудан аена 1,7 млн сумга табышны арттыруга ярдәм итте. Хуҗалыкта шулай ук 7 июльдән терлекләрне унификацияләнгән номерлар белән - колак биркасында һәм электрон тамгада да идентификацияләүгә керештеләр.

Икенче мисал - Ютазы районында Вафауллинның зур булмаган фермер хуҗалыгы - ел башында көтү белән идарә итү программасын урнаштырды, аның ярдәмендә яңадан җитештерү процессларын җайга салды. 300 көннән артык бозаулый алмаган 40 сыер ачыкланган.

 http://bugulma-tat.ru/news/news/tatarstanny-st-terlekchelege-avyl-khualygy-