Зәй-Каратайда казлар зур үсеп, өмәләре гөрләгән

Зәй-Каратайда каз өмәсе гөрләгән. Бу хакта авыл җирлеге башлыгы Миләүшә Идиятова ВКонтактеда "битендә" матур сүзләр белән менә ни язган:

Бу ялларның тагын бер матур күренеше- авылдагы каз өмәләре! Авылның бит бөтен матурлыгы җәйге көндә су буенда сары нәни бәбкәләрне саклаган бала чага, әби-дәү әниләр, көзләр җиткәч ап-ак казларның инде үсеп җитеп, су буеннан кайтып килүе, кышның башында карлар яугач, шау-гөр килеп, каз өмәләре үткәрү.

26 ноябрь көнне Зәй-Каратайда да каз өмәләре гөрләде, казларны йолкып, юып, тәмле сый- нигъмәтләр белән сыйлану - халкыбызның күркәм йоласы!