Бәгырь нурым

Бәгырь нурым!

Бәгырь түремнән өзелгән нурым!
Син нурым түгел, утым, ялкыным.
Яндырган да,көйдергән дә син,
Елаган чакта көлдергән дә – син!

Бар өметләрем сиңа багладым,
Бар бәхетләрне сиңа юрадым.
Арымас-талмас уйнар колыным,
Җырлы һәм моңлы нәни кошчыгым.

Очар күкләрең гел аяз булсын,
Ике канатың иңдә нык торсын,
Очкан чагында җиргә дә кара,
Анда әниең барын онытма.

Гүзәл Хәлфиева-Талипова

Айрат Газизов рәсеме