Г. Тукай исемендәге Үзәк китапханәнең милли әдәбият бүлегендә «Әдәби бакча» клубы эшен башлады

Клуб кысаларында «Олы сәнгатькә багышланган гомер» дип аталган әдәби-музыкаль  кичәгә әдәбият сөюче дусларыбыз җыелды. Җырчы Әлфия Низамова, баянчы, Равил Гыйматдинов чакырылды.

Татар халык җыр-моңга гашыйк булуы белән аерылып тора. Әлфия Низамованың халыкчан җырлары, «Әдәби бакча» клубы әгъзалары күңеленә хуш килде. Равил Гыйматдинов сирәк талантларның берсе, җырны башкарганда кушылмыйча мөмкин түгел иде. Аның туган авыл, туган нигезгә багышланган җыры барысын да таң калдырды. Равил Гыйматдинов татар халык көйләренә тезмә уйнаганда, залдагылар күңелләре белән халкыбыз тарихын барлагандыр дип уйлыйм.

«Шигъри мизгел» сәхифәсендә исә танылган шагыйрә Мәһәрша Вәлиуллованың чыгышы бүгенге мәгьнәле кичәнең бизәген тәшкил итте. Ә Гәүһәр Капустина  исеменә җисеме туры килүен тагын бер кат раслады: аның “Алкалар” дигән юмористик шигыре кунакларыбызны ихлас күңелдән елмаерга мәҗбүр итте.

Ләйсән Рахманова,  

китапханәнең милли әдәбият
һәм туган якны өйрәнү бүлеге  китапханәчесе

Фотолар: үзәк китапханәдән