Карагайда өлкәннәр өчен бәйрәм оештырдылар (фотолар)

Аны авыл Мәдәният йорты мәктәп укычылары белән берлектә әзерләгән иде.

Балалар шигырьләр укыды, җырлар җырлады, матур биюләр башкарды. Өлкәннәр дә читтә калмады: алар өчен әзерләнгән кокурслар, викториналарда бик теләп катнашты. 

Бәйрәмгә килүчеләрне Туктарово-Урдала авыл советы башлыгы Марат Җиһаншин сәламләде, Өлкәннәр көне белән котлады.

Чара чәй табыны артында дәвам итте.

Карагай авылы Мәдәният йорты җитәкчесе Екатерина Әхмәтова шушы бәйрәмне оештыруда ярдәм күрсәткән өчен авыл депутаты Фуат Әхмәтовка һәм мәктәп укучыларына зур рәхмәтен белдерә.

фото: Екатерина Әхмәтова