Сугышлы авылында "Аулак өй"гә җыелдылар (фотолар)

Авылыбызның актив, җыр-моңга оста абый-апалары бергә җыелып "Аулак өй"дә катнашып, күңел ачтык, дип хәбәр итте Сугышлыдан Гүзәлия апа Арсланова.

Быел мәдәният йорты капиталь ремонтланганнан соң зурлап уздырылган беренче чара икән әле бу. Мөдир Розалия Садриева, сәнгать җитәкчеләре - Эльмира Вилданова, Рәйсә Вәлиева, китаханәче Минзилә Вафина аңа ныклап әзерләнгән. Җырлап-биеп, җырлы уеннарда катнашып, яшьлекләрен искә төшереп, тормыш мәшәкатьләреннән ял иткән алар. Әниләр көне уңаеннан да җыелышырбыз әле, дип килешкәннәр.