Таһир Шәмсуаров: Тавыкларда да грипп

Кош гриппы

Исләре китте әтәчнең
Иртән сарайга кергәч.
Барча тавыклар төчкерә:
Тавыкларда да грипп.

Хуҗалардан ияргәндер,
И пычагым кергере.
Коронавирус, беләсезме,
Гриппның гади төре.

Уфтанып куя әтәч тә,
Үз-үзеңне саклар чак.
Апрельдә менә шәһәрдән
Яшь тавыклар кайтачак.

Карт бичәләр рәнҗемәсен,
Юл бирергә яшьләргә.
Май башында хәтта үлән
Күрәсездер, яшәрә!

Әтәч халкы гомер буе,
Ягымлы, төпле, зирәк.
Сабантуйлар җитүгә
Йомырка бик күп кирәк.

Тирән борчуларга тарды
Әтәч сарайга кереп.
Төчкерә җанкисәкләре,
Тавыкларында грипп.

Таһир Шәмсуаров