Урдалыда гөлләр үстерү серен беләләр (фотолар)

Урдалы авылының матурлык яратучы хуҗабикәсе Рәйсә ханым Хәйрова.

Ул йорт яны бакчасында күп төрле чәчәкләр үстерә. Җәй буе бакчадан кереп тә карамый. Аның һәм шәһәрдән кайтып ярдәм итүче балаларының тырышлыгы белән бу йорт үзенең төзеклеге, чисталыгы белән авылда күпләргә үрнәк булып тора. Чәчәкләр белән рәттән, Рәйсә ханымның яшелчәләре, җиләк-җимешләре дә ел саен мул уңыш бирә. Хуҗабикә, үзе көз аенда тугангамы, көз көннәрен аеруча ярата. Чөнки шушы көз көнендә, җәй буе тырышып хезмәт куйганының нәтиҗәләрен күреп күңел рәхәтләнеп китә. Әйе шул, тырышып хезмәт куйсаң гына, бар әйберең дә була, мул тормышта яши аласың.

Әлфинур Галимова, Урдалы