Якташыбыз Халисә Ширмәннән шигырь

*** 
Кулларымда – юеш чүпрәк, 
Алъяпкыч – билләремдә. 
Җыештырып алам өйне 
Якшәмбе көннәрендә. 

Сөртеп куям пыяласын – 
Тапланган тәрәзәләр. 
Тузан кунган гөлләремә – 
Өемне бизәмиләр... 

Чиста булсын минем йортым, 
Якты булсын дөньялар. 
Чиста якты тирәлектә 
Якты уйлар туалар! 

Юып алгач бүлмәләрне, 
Үзем дә юынырмын. 
Яшәргән гөлләрем кебек 
Үзем дә куанырмын! 

Бар кеше дә белсен иде 
Чисталык сүрәләрен. 
...Их, юасы иде шулай 
Күңел тәрәзәләрен... 

Халисә Ширмән

Фото: https://pixabay.com/ru/