Радик Әхмәтзәки улы Мортазин

Заман сулышы, 24 август 2023 - 11:24

616

Махсус хәрби операция зонасында хәрби бурычын үтәгәндә батырлык, кыюлык күрсәткәне өчен вафатыннан соң Батырлык ордены белән бүләкләнгән.

Радик Мортазин — кече сержант, мотоукчы батальонының миномет взводы командиры, ул 2022 елның 8 сентябрендә Украина территориясендә хәрби операциядә һәлак була. Аңа 47 яшь иде.

Радик Мортазин Минзәлә районында 1974 елның 21 сентябрендә туган. Гаиләсе белән Лениногорскида яшәгәннәр. Аның улы Азамат һәм хатыны — Гүзәлия Әбүзәровна, әнисе Зәмзәмия ханым калды.

Кече сержант белән хушлашу мәрасиме Тимәш авылы зираты янында узды. Анда сержантның якыннары, туганнары, дуслары, район башлыгы Рәгать Хөсәенов, Татарстан Цифрлы үсеш министры урынбасары Альберт Яковлев, шәһәр комиссары Рөстәм Мисбахов катнашты.

Рәгать Хөсәенов туганнарының, якыннарының олы кайгысын уртаклашу сүзләре белдерде. «Радик үзенең Ватанын, халкын яклап һәлак булды. Ул Россия армиясенең чын солдаты», — диде.

Радик Мортазинны хәрбиләрчә хөрмәтләп соңгы юлга озаттылар. Тимәш зиратында җирләнде.

Батырлык ордены медален район башлыгы Рәгать Хөсәенов хәрбинең хатынына тапшырды.