Сул кул белән ризык ашамаска кушалар. Исламда бу турыда ни диелә?
Адәм баласының бөтен гомере сорауларга җавап эзләп уза. Яңа көн яңа вакыйгалар, яңа мәшәкатьләр алып килеп кенә тора. Бүгенге сәхифәбездә укучыларыбызны кызыксындырган сорауларга җавап эзләрбез. Сорауларга Лаеш районындагы «Ихлас» мәчете имамы Мөдәррис ГЫЙМРАНОВ җавап бирде.
– Әбиемнен өен сүттек. Аннан бик күп иске дини календарьлар чыкты. Аларны ни эшләтергә икән?
– Бу календарьларны куяр, саклар урын булмаса, аларны яндыру хәерле. Анда Аллаһ сүзләре, хәдисләр булырга мөмкин. Аларга ихтирамсызлык булмасын, алар ниндидер хәерсез урыннарга барып эләкмәсен өчен эшләнә бу. Дини календарь, китаплар теләсә кайда аунап ятарга тиеш түгел.
– Сул кул белән ризык ашамаска кушалар. Исламда бу турыда ни диелә?
– Рәсүлебез: «Әгәр сезнең берәрегез ашаса, уң кул белән ашасын, уң кул белән эчсен. Дөреслектә, шайтан сул кул белән ашый һәм сул кул белән эчә», – дигән. Бер кеше сул кул белән ашап утырган вакытта Рәсүлебез аңа: «Уң кулың белән аша», – ди. Ул кеше исә: «Мин ашый алмыйм», – дип җавап кайтара һәм ул кешенең уң як гәүдәсе параличлана. Аллаһы Тәгалә аңа шундый газап бирә. Шуңа күрә динебез кануннары буенча уң кул белән ашау-эчү генә рөхсәт ителә. Кызганыч, моны еш кына диндә булган мөселманнар да үтәми.
Фото: https://ru.freepik.com/free
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев