Районда булган янгында ир-ат янып үлә
Кеше үлеме белән бәйле янгын районыбызның Урдалы авылында чыга. Бу хакта Татарстан Гадәттән тыш хәлләр министрлыгы матбугат хезмәте хәбәр итә.
Министрлыктан хәбәр итүләренчә, кичә, якшәмбе, кич Урдалы авылында янгын чыгуы турында хәбәр килә. Совет урамындагы йорт тулысынча янгын белән урап алынган була. Янгын сүндерүчеләрне күршеләре каршы ала. Алар йорт хуҗасын көндез күрүләре турында әйтәләр.
112 квадрат метр мәйданны биләп алган янгынны бер сәгать дәвамында сүндерәләр. Янгын сүндерүчеләр өй эченнән янып үлгән 61 яшьлек ир-атны алып чыгалар.
Янгынның беренчел сәбәбе – электр җиһазларны монтажлаганда кагыйдәләрне бозу.
Чыганак: https://www.tatar-inform.ru/news/2019/04/08/647476/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев