Бакчада эшләгәннән соң тырнакларыбыз чиста, матур булсын
Җәй җәй инде ул: үзе матур, үзе рәхәт, үзендә эш бик күп. Куллар, тырнаклар түзсен генә, чөнки һәрвакытта да пирчәткәләр киеп торырга онытыла, ә кайбер эшкә, бөтенләй, тотынам дип тотынмыйсың да, эшләп атканыңны сизми дә каласың.
Ә аннары кул-тырнакларны ничек чистартып бетерергә юк. Кеше янына чыгасы булса, бигрәк тә. Менә шундый очракларга берничә киңәш:
сода һәм үсемлек мае: 1 ч.к. сода белән 1 ч.к. майны учыгызда бутап берләштерегез. Тырнакларыгызга аерым игътибар биреп, кул тиресенә ышкыгыз. Яхшылап юыгыз. Бик тә пычранган булсагыз, ике-өч тапкыр эшләгез;
агартучы теш пастасы: пастаны щеткага яки губкага сылагыз һәм әшәкесе болай гына юылмаган урыннарны ышкыгыз. Крем сөртергә онытмагыз;
лимон согы яки аш серкәсе: кулларны киселгән лимон белән ышкыгыз яки 1 стакан суга 1 ч.к. аш серкәсе салынган катнашманы лосьон кебек кулланыгыз. Яраларга тидермәскә тырышыгыз;
теш порошогы яки кызыл балчык: паста рәвешенә кергәнче су белән кушып болгатырга һәм тирегә сылап, ике-өч минут тотарга. Аннары юып төшерергә;
каһвә куесыннан скраб:
йомшак чистарта, бигрәк тә дымлы җир белән эшләгәннән соң нәтиҗәле;
спиртлы салфетка яки антисептик: кулларны үсемлекләр, җиләкләр төсеннән чистарта.
фото: ясалма интеллект ярдәмендә
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев