Иң көчлеләр – Шөгердә

Зеленая Рощада VI - XI сыйныф укучылары арасында "Көзге кросс" үтте. Анда 14 команда катнашты.

Укучылар өч төрле яшь категорияләренә бүленеп йөгерде. Нәтиҗәдә, VI - VII сыйныф укучылары арасында кызлардан О.Пантелеева (Яңа Сережкино), егетләрдән И.Әхмәтов (Шөгер) беренчелекне яулады. VIII - IX сыйныфлар арасында I урында А.Вилданова (Сугышлы) белән Ф.Галиуллин (Зәй-Каратай). Өлкән сыйныфлар арасында Р.Зыятдинова (Зеленая Роща) белән В.Юртаевка (Шөгер) тиңнәр булмады. Команда ярышларында барлык яшь категориясендә дә Шөгер спортчылары иң алдынгы урыннарны яулады.