Пластик чималдан ясалган дөгене ачыклау өчен 3 ысул

Кытайлылар дөгене кырда үстермичә, крахмал һәм пластиктан ясарга өйрәнгән. Синтетик дөгене чыныннан бер карауда аерып та булмый.  Шулай да түбәндә китерелгән өч ысул белән дөгене тикшереп карасагыз була.

1. Савытка су агызыгыз һәм бер уч дөге салыгыз. Ялган дөге бик җиңел, ул өскә калкып чыгачак. Чын дөге авыр, төпкә батарга тиеш.

2. Тимер кашыкка дөге салып, сак кына яндырып карарга кирәк. Ясалма дөге янганда пластик исе чыгачак.

3. Алдагы тикшерүләрдән соң да шигегез калса, дөгене пешереп, чынаякка салыгыз. Азрак суынгач, каплагыз һәм өйдә 2-3 көн тотыгыз. Шул вакыт эчендә чын дөге өстендә күгәрек үсә башлый. Синтетик дөге яңа гына пешергән кебек ап-ак торачак.

Ватаным Татарстан

http://baltaci.ru/news/t%D3%A9rlese/plastik-chimaldan-yasalgan-dgene-achyklau-chen-3-ysul

Фото: https://pixabay.com/ru