14нче балалар бакчасы нәниләре полиция ветераннарына концерт күрсәтте
Полиция ветераннары һәм 14нче балалар бакчасы арасында Җиңү көне алдыннан очрашу - традициягә керде.
Лениногорск Эчке эшләр бүлегенең Иҗтимагый совет әгъзалары һәм ветераннары 14нче балалар бакчасына шатланып килде, дип хәбәр итә Зөлфия Рахманова.
Җиңү көне алдыннан балалар бакчасы Лениногорск полициясе ветераннары өчен ел саен концерт әзерли. "Очрашу патриотик рухта узды. Балалар солдатлар батырлыгы турында шигырьләр сөйләделәр. Сугыш еллары музыкасына биюләр башкардылар. Бик матур номерлар күрсәтелде", - ди Зөлфия Рахманова.
Соңыннан балалар кунакларга бәйрәм открыткалары һәм кәгазьдән ясалган күгәрченнәр бүләк иткәннәр. Күгебез аяз булсын!
фотолар: З. Рахмановадан.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев