Әлмәттән Айдар Әшрәпов Россиянең иң яхшы токаре дип танылган
Пензада «Һөнәре буенча иң яхшы» Бөтенроссия һөнәри осталык конкурсының «Иң яхшы токарь» номинациясендә федераль этабы узган.
Ярышларда Россиянең 17 субъектыннан 18 токарь катнашкан. Әлмәттән 22 яшьлек Айдар Әшрәповны Россиянең иң яхшы токаре дип таныганнар, дип хәбәр итә ТР сәнәгать һәм сәүдә министрлыгы.
"Әти-әнием чын ир-ат һөнәрен сайлагач бик шат иде. Заводка машина төзелеше көллиятенең өченче курсында ук килгән идем. Шундук станок артына куйдылар. Дөрес, ул монда, Пензада урнаштырылганнары кебек заманча түгел иде. Минем беренче станок якынча 70 нче елларда җитештерелде, - дип сөйләгән журналистларга биргән интервьюсында «Россиянең иң яхшы токары» исеменә ия егерме ике яшьлек егет. - Конкурска килгәндә, беренче 10-15 минут бик дулкынландым, әмма аннары үземне кулга алдым һәм үз эшемне башкардым. Хәзер хисләр тула, моның булганына ахыргача ышанмыйм. Мин бик бәхетле!", – дип уртаклашты Әшрапов.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев