Лениногорскида балаларны автомобильдә йөртү кагыйдәләрен бозуларны ачыклау буенча рейд узды
Кыска гына вакыт эчендә, әлеге балалар куркынычсызлыгы һәм иминлеген максат итеп куйган чара җиде закон бозу очрагын ачыкланды, аларның дүртесе – турыдан туры, автомобильдәге баланың исәнлегенә куркыныч ясаучы очраклар.
Мондый кагыйдә бозучыларга карата беркетмәләр төзелде.
Юл хәрәкәте кагыйдәләре 7 яшькәчә балаларны, машинада бары тик балалар өчен тотып торучы җайланмалар ярдәмендә генә йөртергә кирәклеген искәртә. 7 яшьтән 11 яшькә кадәр арткы утыргычта, бала өчен махсус җайланмаларда йөртергә яки куркынычсызлык каешын эләктерергә була.
Баланы алгы утыргычта - бары тик балалар өчен махсус утыргычлар ярдәмендә генә йөртергә рөхсәт ителә. Таләпләр теләсә нинди автомобиль өчен дә, шәхси машина һәм такси өчен дә бертигез.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев