Бер укучы физика буенча Бөтендөнья олимпиадасы җиңүчесе

автор, 13 июль 2015 - 12:49

1335

3-12 июль көннәрендә Һиндстанның Мумбаи шәһәрендә физика буенча Бөтендөнья олимпиадасы уздырылды. Россия җыелма командасында 5 кеше, шул исәптән Бөгелмәдәге аерым фәннәрне тирәнтен өйрәтә торган 6нчы урта мәктәпнең 11нче сыйныф укучысы Алексей Красников катнашты. Татарстан укучысы физика буенча искиткеч белемнәрен күрсәтеп, олимпиаданың иң югары бүләген - алтын медаль яулады. Былтыр Алексей...

Бер укучы физика буенча Бөтендөнья олимпиадасы җиңүчесе

Татарстан укучысы физика буенча искиткеч белемнәрен күрсәтеп, олимпиаданың иң югары бүләген - алтын медаль яулады. Былтыр Алексей физика буенча Бөтенроссия олимпиадасында абсолют җиңүгә лаек булган иде. Быел исә ул бәйгенең җиңүчесе исеменә иреште.

Әлбәттә, бу уңыш очраклы түгел. Алексей соңгы берничә ел дәвамында, максатчан рәвештә, физика белән шөгыльләнә, Россия һәм дөньякүләм бәйгеләрдә катнаша.

Яшь физикның быелгы уңышлары гына да таң калырлык: Алексей физика һәм информатикадан БДИны 100, математикадан профиль дәрәҗәдәге сынауны 96 баллга тапшырган. Алексей Бөтендөнья олимпиасында да Россия командасы әгъзаларыннан - иң күп балл җыючы.

Аны олимпиадага Бөгелмәдәге аерым фәннәрне тирәнтен өйрәтә торган 6нчы урта мәктәпнең физика укытучысы Светлана Киреева әзерләгән. Быел ул "Иң яхшы физика укытучысы-2015" республика конкурсында җиңү яулады.

Бу хакта ТР Мәгариф һәм фән министрлыгы матбугат хезмәте хәбәр итә.

http://tat.tatar-inform.ru/

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia